Ministri i Bujqësisë, Faton Peci ka bërë të ditur se fermeri Isa nga Boletini është përfitues i mekanizmit bujqësor me vlerë prej 99 mijë e 800 euro.

Peci me anë të një postimi në Facebook tha se si Isa mbarështon mbi 50 krerë lopë e viça dhe ka të kontraktuar edhe 50 hektarë tokë, të mbjella kryesisht me drithëra.

“Isa nga Boletini është përfitues i Programit për Zhvillim Rural / Grante 2022 për mekanizëm bujqësor në vlerë 99.800 euro. Si fermer shumë i vyer Isa mbarështon mbi 50 krerë lopë e viça dhe ka të kontraktuar edhe 50 hektarë tokë, të mbjella kryesisht me drithëra”, shkroi Peci.

“Investimet në: Bistricë, Boletin, Çabër, Vllahi, Rashan, Frashër, Koshtovë, Rahovë, Tunel të parë, Broboniq. Janë milionshe si asnjëherë më parë. Sa herë jam në Boletin, emocionet janë të veçanta sepse edhe figurativisht përballem me thënien “guri i randë peshon n’ven të vet”, ka shkruar ministri Peci./Arbresh.info/