Dega e Nismës për Kosovën në Drenas, ka theksuar se vazhdimisht ka thyerje të rregullave gjatë procesit zgjedhor në Drenas.

Përmes një komunikate për media kjo e fundit ka bërë të ditur se në shkollën fillore “Luigj Kurakuqi” në Sankoc, ku menaxheri i kësaj qendre të votimit është duke dalë kohë pas kohe nga shkolla, duke kontaktuar me grupe të qytetarëve, dhe lëvizjet e tij janë të dyshimta dhe në kundërshtim me përgjegjësitë që ka si menaxher i qendrës së votimit.

Po ashtu, edhe në shkollën “ Xheladin Gashi-Plaku“, në Komoran, kemi situatë të njëjtë, ku menaxheri i qendrës së votimit është duke qëndruar jashtë qendrës dhe është duke ua imponuar qytetarëve votues se për kë duhet votuar.

Dega e Nisma për Kosovën në Drenas i bën thirrje edhe prokurorit të shtetit të filloj sa më parë të merret më këto raste që po përsëriten vazhdimisht që nga mëngjesi.