Para takimit Kosovë-Serbi, Lajçak i bën gati temat që do të diskutohen

10:00 | 10 Dhjetor 2020
M. A.

Emisari special i Bashkimit Evropian për dialogun Kosovë-Serbi, Miroslav Lajçak, pak para zhvillimit të takimeve me delegacionin e Kosovës dhe atë serb, e ka publikuar një fotografi në Twitter

Ai ka shkruar se është gati për diskutimet e sotme të shefave të delegacioneve, ndërsa tha se në këto takime do të flitet për çështje pronësore dhe financiare.

“Duke u përgatitur për takimin e sotëm të Dialogut Beograd-Prishtinë me dy kryenegociatorët. Presim të vazhdojmë diskutimet tona mbi pretendimet financiare dhe pronën”, ka shkruar Lajçak

Takimi i sotëm Kosovë-Serbi zhvillohet gati tre muaj prej kur ky proces u ndal. Në nivel të shefave të delegacioneve për dialog, takimi i fundit ishte zhvilluar më 29 tetor në Bruksel kur palët kishin diskutuar për temat e njëjta.

Miroslav Lajčák on Twitter: “Getting ready for today’s meeting of the Belgrade-Pristina Dialogue with the two chief negotiators. Looking forward to continuing our discussions on financial claims and property. https://t.co/xHEu4WVQHd” / Twitter