Palestinezët e kanë mirëpritur deklaratën përfundimtare nga konferenca e paqes për Lindjen e Mesme në Paris, ku u bë thirrje për të dy vendet që të konfirmojnë angazhimin e tyre në zgjidhje paqësore dhe të përmbahen nga veprimet e njëanshme.

Zyrtari palestinez, Saeb Erekat, tha se deklarata e të dielës e arritur nga më shumë se 70 vende të botës, është refuzuar nga Izraeli, transmeton arbresh.info.

“Izraeli nuk mund të arrijë paqe dhe stabilitet pa i dhënë fund okupimit të saj”, tha ai.

Erekat gjithashtu i ka bërë thirrje presidentit të zgjedhur në SHBA, Donald Trump, për të mbështetur këtë deklaratë dhe rezolutën e OKB-së të muajit të kaluar, e cila shpalli vendbanimet izraelite të paligjshme.

Trump ka hedhur poshtë rezolutën e OKB-së dhe ka sinjalizuar se do të jetë më tolerant mbi ndërtimin e vendbanimeve izraelite./Arbresh.info