Pacolli: Sami Thaçi u vra për një Kosovë më të sigurt, fajtorët të marrin dënimin e merituar

10:05 | 29 Janar 2020
Arbresh.info

Drejtori i portalit ‘arbresh.info’, Rrahim Pacolli ka reaguar për vrasjen e policit, Sami Thaçi.

Ai përmes një postimi në facebook ka shkruar se Thaçi u vra për një Kosovë më të sigurt ndaj kryesit e krimit duhet të dalin para drejtësisë sa më parë.

Pacolli ka shprehur gjithashtu ngushëllime ndërsa u ka uruar shërim të shpejtë policëve dhe fëmijës që u lënduan mbrëmë në këtë aksion.

“Polici Sami Thaçi ra në krye të detyrës, për një Kosovë më të sigurt ndaj shkelësve të ligjit. Ata të cilët duhet të dalin para organeve të drejtësisë sa më parë. Fajtorët duhet të marrin dënimin e merituar.

Shprehë ngushëllimet më të sinqerta familjarëve, Policisë së Kosovës dhe gjithë qytetarëve sepse kjo ngjarje ka prekur shpirtërisht secilin. Policëve të lënduar dhe një fëmije që pësoi në vendin e ngjarjes i uroj shërim sa më të shpejtë”, thuhet në postimin e Pacollit./arbresh.info/