Ish presidenti i Kosovës, Behgjet Pacolli ka ndarë disa fotografi nga aktivitetet e tij lobuese që ka bërë për njohjen e Pavarësisë së Kosovës.

Ai me anë të një postimi në Facebook, ka shkruar se në momentet e rëndësishme historike kanë qenë të bashkuar nga vlerat dhe idealet e përbashkëta.

“Pavarësia nuk ishte qëllimi ynë përfundimtar, por ndërtimi i një shteti të fuqishëm, vibrant dhe dinamik që është në gjendje të ecë përpara në integrimet euro-atlantike. Sot, më shumë se kurrë, është e rëndësishme të kujtojmë rrugëtimin tonë dhe përpjekjet që na kanë sjellë deri këtu”, ka shkruar Pacolli.

Ai ka shtuar se ka punuar pandërprerë për të siguruar që zëri i Kosovës të dëgjohet dhe të respektohet në arenën ndërkombëtare

“Lobimi dhe puna për vendin tim do të më përcjellin deri në frymën e fundit”, ka përfunduar Pacolli./Arbresh.info/