Sipërmarrësi kosovar, Rrahim Pacolli e ka mirëpritur vendimin e Gjykatës Kushtetuese, e cila ka konfirmuar se vota e deputetit Etem Arifi është e paligjshme dhe se vendi duhet të shkojë në zgjedhje brenda 40 ditëve.

Pacolli, përmes një postimi në Facebook, ka shkruar se ky vendim ishte i drejt dhe i duhur.

“E mirëpres vendimin e Gjykatës Kushtetuese të Kosovës, e cila ka konfirmuar se vota e një deputeti nuk është e ligjshme dhe vendi duhet të shkojë në zgjedhje. Konsideroj se një vendim i tillë është i drejt dhe i duhur”, ka shkruar Pacolli.

Sipas tij, tashmë është në duart e popullit që të zgjedh liderin e tyre politik që të nxjerr vendin nga kjo krizë në të cilën është zhytur.

“Tashmë është në duart e popullit të Kosovës që të zgjedhin liderin e tyre, gjë e cila iu mohua më 3 qershor dhe të tejkalohet kjo krizë politike, në të cilën është zhytur shteti tash e sa muaj”, ka shkruar ai./arbresh.info/

Postimi i plotë:

E mirëpres vendimin e Gjykatës Kushtetuese të Kosovës, e cila ka konfirmuar se vota e një deputeti nuk është e ligjshme dhe vendi duhet të shkojë në zgjedhje. Konsideroj se një vendim i tillë është i drejt dhe i duhur.
Tashmë është në duart e popullit të Kosovës që të zgjedhin liderin e tyre, gjë e cila iu mohua më 3 qershor dhe të tejkalohet kjo krizë politike, në të cilën është zhytur shteti tash e sa muaj. Rr.P