Ish-presidenti i Kosovës, Behgjet Pacolli, ndau sot një mesazh reflektues mbi rrugëtimin e tij personal dhe profesional, duke theksuar rëndësinë e përkushtimit, punës së ndershme dhe zgjedhjeve të qëllimshme në jetë.

Në mesazhin e tij, Pacolli shkruan:

Ka histori që nuk shkruhen vetëm me fjalë; e imja është shkruar me vite të tëra udhëtimesh.

Sa herë që ngjitem shkallëve të aeroplanit, më kujtohet ngjitja ime në jetë. Ndihem i qetë dhe në paqe me Zotin, sepse kjo rrugë dhe ky kapital nuk kanë ardhur rastësisht. I ndërtova me djersë, me punë të ndershme dhe me dekada përkushtimi.

Gjatë kësaj rruge kam mësuar se jo çdo bashkëudhëtar ka të njëjtin qëllim. Disa udhëtojnë për momentin, të tjerët e ndërtojnë rrugën e tyre prej kohësh.

Secili zgjedh destinacionin e vet:
dikush atë të drejtë, dikush të gabuar.

Unë vazhdoj rrugën time.

Destinacioni im nuk ka ndryshuar kurrë.

Në këtë të premte të bekuar, Zoti qoftë me ju, miqtë e mi!/Arbresh.info