Ish-presidenti i Kosovës, Behgjet Pacolli i ka dal në mbrojtje deputetit të LDK-së, Avdullah Hoti pasi u quajt “analfabet” nga ministri i Bujqësisë, Faton Peci.

Përmes një reagimi në Facebook, Pacolli për Hotin tha se dihet botërisht që është i urtë, i arsimuar dhe me edukatë fisnike.

“Ju ministër edhe mua më keni sharë duke më quajtur ndër të tjerash ” njeri që vjen nga Kremlini”! Sinqerisht nuk di cfare t’u them pos që po shpifni! Pse nuk më thatë këtë kur isha nikoqir i juaj në shtëpinë time?”, ka shkruar Pacolli.

Sipas Pacollit, sjellja e ministrit Peci ndaj deputetit Hoti korrespondon me edukatën e tij.

“Çfarë shije të keqe të lënë shpifjet e juaja, ministër! … por ndoshta kjo korrespondon me edukaten e juaj, “triste”, triste nga një ministër i ri!”, u shpreh Pacolli./Arbresh.info