Zëvendëskryeministrja në detyrë, Emilja Rexhepi, ka deklaruar se do ta mbështesë formimin e Qeverisë Kurti, pavarësisht se nuk do të jetë pjesë e kabinetit të ri qeveritar.

“Patjetër që do e votoj Qeverinë. Ne jemi pjesë e Qeverisë, veç unë nuk e kam marrë atë ofertën që të jem ministresha. Kthehem në parlamentar, ama jemi pjesë e Qeverisë”, ka deklaruar ajo para se të hynte në seancën konstituive të Kuvendit të Kosovës.

Rexhepi theksoi gjithashtu se është e rëndësishme që komuniteti boshnjak të përfaqësohet në nivel ministror.

Ndërkohë, diskutimet për qëndrimin e komunitetit boshnjak ndaj Qeverisë së re kanë ardhur pasi deputetja Duda Balje e ka kushtëzuar votën e saj me krijimin e Komunës së Reçanit.

Nga 10 deputetët joshumicë joserbë në Kuvendin e Kosovës, tre përfaqësojnë komunitetin boshnjak.