Në Kompleksin Memorial “Adem Jashari” në Prekaz, Organizatat e dala nga lufta e Ushtrisë Çlirimtare të Kosovës kanë bërë homazhe për të përkujtuar festat e nëntorit.

Kryetari i OVL-UÇK-së, Hysni Gucati, ka theksuar se këto festime nuk janë të plota pa ish-krerët e UÇK-së – Hashim Thaçi, Kadri Veseli, Jakup Krasniqi dhe Rexhep Selimi – të cilët aktualisht ndodhen në Hagë.

Megjithatë, ai shprehu shpresën që vitin e ardhshëm këto festa do të festohen së bashku me ta në Kosovë.

“Ju urojmë katër festat e nëntorit. Festa e vitit 1944 ngritja e flamurit në Krujë nga Skënderbeu, shpallja e Pavarësisë së Shqipërisë me 1912, datëlindja e komandanti legjendar më 1955 dhe dalja në skenë e UÇK-së.”

”Këto festa janë të mangëta sepse në i kemi krerët e UÇK-së në Hagë ku padrejtësisht po mbahen padrejtësisht në Hagë nga një gjykatë. Por ja që na ndodhi kjo dhe shpresojmë e besojmë që vitin e ardhshëm do t’i presim këto festa bashkërisht me ta”, ka thënë ai./Arbresh.info