Deputetja e LDK-së, Vjosa Osmani që në fillim të fjalës së saj se do të votojë për themelimin e Gjykatës Speciale, duke u rreshtuar kështu në anën e pengimit të një të keqeje më të madhe për Kosovën.

Ajo rikujtoi se nëse nuk e bëjmë vetë, këtë do ta bëjë Këshilli i Sigurimit, sipas një skenari pa marrëveshje me Kosovën por me UNMIK-un, duke kthyer kështu pas Rezolutën 1244 të KS. Kjo do të ishte shkelja më e rëndë e sovranitetit të vendit tonë.

Ajo u shpreh se do të votojë për themelimin e kësaj gjykate nga këto motive dhe jo nga presione a interesa të tjera politike.

Vjosa Osmani e ka dëshmuar edhe më herët në situata të tjera se mendon e vepron me kokën e vet. Ajo vazhdon të jetë kundërshtare e koalicionit me PDK-në, ndonëse është pjesë e subjektit që bashkëqeveris me këtë parti.