Presidentja e vendit, Vjosa Osmani ka kujtuar 26-vjetorin e Betejës së lavdishme të Koshares, duke thënë se ishte një akt i pastër besimi se për liri, populli i Kosovës paguan çdo çmim.

Me anë të një postimi në Facebook, Osmani tha Kosharja ishte një akt i pastër besimi se për liri, populli i Kosovës është i gatshëm të paguaj çdo çmim.

”Beteja e Koshares, flakadani që nuk shuhet kurrë! Aty ku regjimi gjenocidal i Serbisë kishte ngritur murin ndarës me Shqipërinë, vajza e djem të UÇK-së, ngritën një ideal e mbollën guxim e frymëzim për breza të tërë. Aty ku dukej e pamundura, ata sollën fitoren. Kosharja ishte një akt i pastër besimi se për liri, populli i Kosovës është i gatshëm të paguaj çdo çmim. Lavdi përjetë dëshmorëve të lirisë!”, ka shkruar Osmani./Arbresh.info