Presidentja e vendit, Vjosa Osmani dhe  Presidentin e Letonisë, Edgars Rinkēvičs kanë mbajtur konferencë për media.

Osmani para mediave tha se Letonia është një partnere e fuqishme e Kosovës, raporton Arbresh.info.

Ajo theksoi se Letonia ka përkrahur anëtarësimin e Kosovës në organizata ndërkombëtare.

“Sot kam kënaqsinë të ju uroj mirëserardhje në vendin tonë vlerësoheni si një mbështetëse i palëkundur në rrugtimin tonë euroantlantik. Letonia sot është një partnere e fuqishme e Kosovës ku keni përkrahur anëtarësimin e Kosovës në organizata ndërkombëtare.”, u shpreh ajo.

Osmani tha se Kosova mbetet një partner i përkushtuar në sigurinë globale.

“Letonia e kupton më së miri pozicionin tonë dhe ku kufizohemi me shtete fqinje armiqsore. Edhe roli i Letonisë është i një rëndësie të veçantë. Kosova ka nevojë për kampion si ju, e ardhmja e Kosovës mbetet parakusht për një Evropë të lirë dhe në paqe. Në Kosovë gjeni edhe nivelin më të lartë të besimit karshi të BE dhe është koha të largohen masat e BE-së. Në dritë të zhvillimeve gjeopolitike siguria rajonale mbetet jetike. Ne ju jemi thellësisht mirënjohës çdo ushtari që ka shërbyer dhe vazhdon të shërbej në Kosovë. Shteti i Kosovës mbetet një partner i përkushtuar në sigurinë globale. Kosova dhe Lituania ndajnë një vizion të përbashkët.”, ka thënë ajo./Arbresh.info/