Ka filluar seanca e jashtëzakonshme e Kuvendit të Kosovës lidhur me bllokimin e Komisionit Qendror të Zgjedhjeve nga President.

Kjo seancë është thirrur nga dy partitë opozitare Lëvizja Vetëvendosje dhe Lidhja Demokratike e Kosovës.

Deputeti nga Lëvizja Vetëvendosje, Ismail Kurteshi ka paraqitur para deputetëve kërkesën e 42 deputetëve për funksionalizimin e KQZ-së.

Ai ka kërkuar nga deputetët që më fund të diskutimeve të votojnë rezolutën e paraqitur nga këta deputetë.

“Kuvendi i Republikës së Kosovës kërkon  që dekretimi i anëtarëve të KQZ të bëhet pa asnjë vonesë sipas kushtetues së Kosovës, ligjit për zgjedhje të përgjithshme si dhe aktgjykimin e gjykatës kushtetuese të vitit 2014”

“Ju ftoj që në fund të kësaj seance të votoni këtë reluzutë me kërkesën e vetme që do të mund të mundësonte funksionalizimin e KQZ-së”, ka thënë ai./Arbresh.info/