Katër persona kanë përfunduar në pranga pas realizimit me sukses të operacionit policor operativ të koduar “Shpërndarësi 3”.

Operacioni policor është hartuar dhe zbatuar me qëllim të luftimit të trafikimit me narkotik në rajonin e Gjilanit.

Policia në koordinim me organet e drejtësisë, ka kryer kontrolle në tri lokacione që janë pronë e të dyshuarve: S.L., 1981, R.R., 1989, A.R., 1995 dhe K.L., 1994.

Gjatë kontrollit, policia ka sekuestruar 100.2 gramë substancë që dyshohet të jetë kokainë, dy vetura, 2270 euro dhe 30 franga zvicerane.

Ndaj të dyshuarve është iniciuar rasti ‘blerja, posedimi, shpërndarja dhe shitja e paautorizuar e narkotikeve, substancave psikotrope dhe analoge’.

Të dyshuarit janë intervistuar dhe me aktvendim nga prokuroria janë dërguar në mbajtje deri në 48 orë./Arbresh.info/