Onart Gjoshi nga Drenasi renditet i treti në olimpiadën ndërkombëtare të matematikës TIMO në Turqi

14:41 | 24 Prill 2025
E.H

Nxënësi nga Drenasi, Onart Gjoshi ka shkëlqyer në garën prestigjioze të matematikës TIMO 2025 në Turqi, ku është renditur në vendin e tret në botë.

Komuna e Drenasit më anë të një postimi në Facebook ka shprehur momente krenarie për këtë komunë, përcjell Arbresh.info.

“Ky është një moment krenarie për komunën tonë dhe një dëshmi e potencialit të jashtëzakonshëm të të rinjve tanë. Komuna e Drenasit e përgëzon Onartin për këtë arritje madhështore dhe do të vazhdojë të mbështesë nxënësit e suksesshëm në rrugëtimin e tyre drejt dijes dhe ekselencës”, thuhet në njoftimin e komunës.

“Onarti është nxënës i klasës së katërt në Shkollën Fillore të Mesme të Ulët “Rasim Kiçina” në Drenas, ku vazhdon mësimin me përkushtim dhe rezultate të mira. Urime Onart — je inspirim për gjithë gjeneratën e re të Drenasit”, thuhet më tej në njoftim./Arbresh.info