Një aksion i rrallë është marrë nga nxënësit e klasës së V-1 të shkollës fillore “Vëllezërit Frashri” në Bukosh të Suharekës. Ata vullnetarisht kanë mbledhur fonde për renovimin e klasës, ku ndjekin procesin mësimor.
Iniciativa e tyre është mbështetur financiarisht edhe nga prindërit dhe Drejtoria e Arsimit në Suharekë.
Nxënësit shprehen të gëzuar për renovimin e klasës. Nxënësja Albenita Sopaj tregon se ndjehet e lumtur që kanë arrit të rinovojnë klasën ku mësojnë.
“Gjithçka që po shihni këtu nuk do te ishte e mundur pa ndihmën e prindërve”, shprehet Sopaj.
“Kur filluam planifikimin për renovimin e klasës nuk parashikuam ndihmën e shumë personave dhe mbështetjen e vazhdueshme që kemi marr çdo dite”, tregon ajo për prizrenpress.
Albenita falënderon për përkrahje veçanërisht mësuesen Blerta Sopajn.
“Mësuesja Blerta do të mbetet shembull i mirë për përkushtimin që ka treguar për të na përkrahur në renovimin e klasës”.
Ndërkaq, mësuesja e klasës Blerta Sopa, tregon se ideja për renovimin e klasës ka lindur nga nxënësit.
“Kjo ide ka lindur nga nxënësit dhe është përkrahur nga unë, drejtori i shkollës dhe nga prindërit e fëmijëve”, tregon ajo.
“Tash klasa e tyre duket e bukur dhe ata mezi presin të ulën në këtë klasë për të mësuar më shumë dhe në kushte më të mira”.
Si të bëni gjumë të rehatshëm
Tri mënyrat më të mira për t’i larguar dhimbjet e djegies ng...
Sarr largohet nga Chelsea, kthehet në Francë për të rigjetur...
Trump: Komentet e Kamala Harris për luftën në Gaza pasqyrojn...
Kurti u uron suksese sportistëve nga Kosova që po marrin pje...
Policia e Tropojës: Kemi kërkuar helikopter për të nxjerrë t...