Kryeministri i Kosovës, Isa Mustafa ka befasuar në takimin me përfaqësuesit të vendeve të BE-së gjatë kongresit të Partive Popullore Evropiane në Maltë për arsyen se kërkoi nga Bashkimi Evropian që të liberalizohen vizat pa e plotësuar kriterin e demarkacionit me Malin e Zi.

Kryeministri, i cli ka qenë një nga garantorët kryesorë të ratifikimit të kësaj marrëveshje, këtë herë shkoi edhe më larg duke kërkuar edhe rishqyrtimin e kriterit duke e cilësuar si të tepërt për Kosovën.

Por, raportuesja e Kosovës në Parlamentit Evropian, Ulrike Luncek, propozimin e Kryeministrit Mustafa e sheh të parealizueshme.

Ajo është shprehur për Tribuna Channel se bashkimi Evropian nuk do të pranojë ndryshim të kritereve.

“Bashkimi Evropian nuk do të pranojë ndryshimin e kritereve, përfshirë edhe marrëveshjen e demarkacionit me Malin e Zi”, ka thënë Lunacek.

“Për BE’në, demarkacioni me Malin e Zi dhe luftën efikase kundër krimit të organizuar dhe korrupsionit janë kushte të pandashme, dhe pa realizimin e tyre Kosova nuk mund të bëhet pjesë e regjimit të vizave Shengen të BE’së”, është shprehur ajo.