Flamuri mbi objektin e Ministrisë së Infrastrukturës dhe Transportit vazhdon të jetë i shqyer.

Arbresh.info ka raportuar më herët për këtë lëshim të Ministrisë së Infrastrukturës dhe ka pyetur këtë ministri se përse nuk e largojnë flamurin e grisur. Ata kanë thënë se atë objekt ku është vendosur MIT e menaxhon Ministria e Administratës Publike.

“Objektin e Ish Gërmisë, ku aktualisht është Ministria e Infrastrukturës dhe Transportit (MIT), e menaxhon Ministria e Administratës Publike (MAP). Pra, edhe vendosja dhe mirëmbajtja e flamujve rregullohet nga MAP. Prandaj, lidhur me çështjen e ngritur nga ana juaj, ju lutem kontaktoni ministrinë përkatëse”, thuhet në përgjigjen e tyre.

Ministria e Administratës Publike është e vendosur në objektin e ish-Rilindjes, dhe nuk bëhet e ditur nëse MIT-ja do t’i kërkojë MAP-së ta kryej obligimin për të cilin flasin në përgjigjen e dërguar./arbresh.info/

Koha e zgjedhjeve/ Ministrisë së Infrastrukturës i shqyhet  flamuri, askush nuk merret me të