Një vajzë e mitur ka tentuar t’i jap fund jetës së saj duke gëlltitur disa tableta të llojit “Maprazax”.

Policia Rajonale e Gjakovës ka bërë të ditur se vajza është dërguar menjëherë në spitalin rajonal në Gjakovë dhe është jashtë rrezikut për jetë.

“Datë 19.08.2021 rreth orës 20:30, është pranuar informatë se në Emergjencën e Spitalit “Isa Grezda” – Gjakovë ndodhet një e mitur e cila dyshohet për tentim vetëvrasje. Patrulla policore i është përgjigjur menjëherë rastit dhe me të arritur në emergjencë është informuar nga ana e mjekut se viktima kishte përdorur (gëlltitur) 10 tableta të llojit Maprazax dhe se gjendja e saj është stabile dhe jashtë rrezikut për jetë dhe se e njëjta është ndalur në Spitalin Rajonal “Isa Grezda” për përcjellje të gjendjes shëndetësore”, ka thënë për arbresh.info zëdhënësi i Policisë Rajonale në Gjakovë, Nysret Xhurkaj.

Të gjitha njësitë policore relevante sipas tij, kanë dalur në vendin e ngjarjes. Në lidhje me rast është njoftuar prokurori kujdestar. Xhurkaj thotë se rasti është nën hetime./arbresh.info/