Policia e Kosovës ka arritur të shpëtojë një grua që po mbahej e mbyllur në një dhomë të një shtëpie së bashku me foshnjën e saj tetë muajshe.

Ngjarja ka ndodhur pasditen e së dielës në Pejë.

RAPORTI:

Pejë, 20.03.2022-16:00. Njësitet policore pas pranimit të informatës se një viktimë është duke u mbajtur e mbyllur në një dhomë shtëpie, kanë dalë në vendin e ngjarjes dhe kanë gjetur viktimën femër kosovare me foshnjën e saj tetë muajsh. Viktima është dërguar për tretman mjekësor , dhe pas pranimit të tretmanit mjekësorë  është dërguar tek familja e saj. Njësitet policore në vendin e ngjarjes kanë gjetur e konfiskuar dy fishekë cal-9×19 mm, dhe një mjet i cili dyshohet se shërben për bluarjen e substancave narkotike. Lidhur me rastin është informuar edhe prokurori, ndërsa njësitet policore janë duke hetuar rastin./arbresh.info/