Një fëmijë i moshës 11-vjeçare është dërguar pa shenja jetë në emergjencën e QKMF-së në Rahovec.

Lajmin e konfirmoi edhe zëdhënësi i Policisë së Kosovës për rajonin e Gjakovës, Nusret Gjurkaj.

Rasti është hapur për hetime, ndërsa trupi i pajetë me kërkesë të familjarëve është dërguar për obduksion.

“Sot më datë 24.12.2021, në ora 16:45 nga emergjenca e QKMF Rahovec Stacioni policor -Rahovec është njoftuar se nga familjaret është sjellur një fëmijë i moshës 11 vjeçare pa shenja jete. Pas kontrollit nga mjeku kujdestar ka konstatuar vdekjen e tij. Rastit iu është përgjigjur patrulla si dhe njësiti i hetimeve të SP Rahovec. Për rastin është kontaktuar kryeprokurori dhe hapet rasti hetim i vdekjeje, ndërsa trupi i pajetë me kërkesë të familjareve dërgohet ne institutin e mjekësisë ligjore për obduksion”, tha Gjurkaj.