09:00 Let’s Do It – Ta Pastrojmë Kosovën organizon aksion pastrimi me rastin e “Ditës së Pastrimit të Botës” ku do të pastrohen katër lokacione në Prishtinë; Rr. Garibaldi (Platoja e Hotelit “Grand”) dhe afër parkingut të Pallati i Rinisë; Gërmi (Parkingu në hyrje të parkut) dhe Dëshmoret e Kombit (afër Postës).

10:00 Mbahet diskutimi mbi sigurinë dhe të drejtat e të rinjve në institucione shkollore dhe prezantohen manualet: “Edukimi dhe të drejtat e nxënësve në ambientet shkollore” dhe “Qasja praktike karshi të drejtave të rinjve në Institucione shkollore”. (Hotel “Opera”, Prishtinë)

10:00 Komuna e Gjilanit organizon homazhe te varrezat e dëshmorëve në shënim të 23-vjetorit të rivarrimit të dëshmorëve. (Varrezat e dëshmorëve)

12:00 Lidhja e Shkrimtarëve e Kosovës bën përurimin e veprave letrare të Lulash Palushajt “Ma shkretnuen zemrën” dhe “Fjalë të Malësisë së Madhe – visar që s’duhet harrue”. (Biblioteka Kombëtare “Pjetër Bogdani”, Prishtinë)./arbresh.info/