Komisioni Qendror i Zgjedhjeve (KQZ) sot ka organizuar tërheqjen e shortit për renditjen e kandidatëve në fletëvotimin e zgjedhjeve të jashtëzakonshme për kryetar të komunës së Podujevës.

Partia Demokratike e Kosovës do të ketë numrin 10, Lidhja Demokratike e Kosovës do të ketë numrin 11, dhe Lëvizja Vetëvendosje numrin 12.

E kryetarja e KQZ-së, Valdete Daka ka apeluar për zgjedhje te lira e demokratike.

“KQZ deri tani në vazhdën e përgatitjes ka kryer pothuajse të gjitha aktivitete. Unë i ftoj të gjitha subjektet politike, kandidatët e vëzhguesit të respektojnë Kushtetutën dhe ligjet e Republikës së Kosovës, të drejta dhe demokratike”, ka thënë ajo.

Zgjedhjet e jashtëzakonshme për kryetar të komunës së Podujevës do të mbahen më 15 mars./arbresh.info/