Vitin që lamë pas mbi 1 mijë persona u identifikuan duke keqpërdor energjinë elektrike për disa orë, shkruan arbresh.info.

Kështu ka thënë Luan Morina, drejtor i departamentit të energjisë në ministrinë e Zhvillimit Ekonomik në diskutimin publik të komisionit për Zhvillim ekonomik.

“Për fat në keq konsumatorëve në Kosovë u lejohet shfrytëzimi i energjisë elektrike pa e paguar atë, gjatë vitit 2018 janë identifikuar 1 mijë e 139 raste recidiviste të shfrytëzimit të energjisë elektrike ne mënyrë të paautorizuar”, ka thënë Morina.

Ai ka kërkuar ndihmë nga Kuvendi për gjetjen e një zgjidhje. “ Ne kërkojmë nga Kuvendi i Kosovës të na ndihmojë në gjetjen e një zgjidhje për këtë problem, në kërkojmë që t’u ndalohet rikyqja”, ka shtuar ai.

E kryesuesi i këtij diskutimi, Dardan Sejdiu e ka konsideruar këtë numër të vogël në krahasim më numrin e plotë të konsumatorëve.

“ Po thoni që aktualisht keni afër 600 mijë konsumatorë dhe identifikimi i mbi 1 mijë keqpërdorueseve i bie 0,2% e të gjitha konsumatorëve, ka thënë Sejdiu.

Ndërsa Kadri Kadriu, zëvendës krye shef ekzekutiv i KOSST ka thënë se hapja e tregut me Shqipërinë është në proces.

“Hapja e tregut që ka qenë kërkesë ligjit nuk ka ndodhë, jemi në proces, Kosova dhe Shqipëria kanë nënshkruar memorandumin për një treg të përbashkët dhe rritja e tregut është konsideruar shumë përfituese“, ka thënë ai.

Kadriu ka shtuar se mekanizimi i balancit është i domosdoshëm për hapjen e tregut. “Mekanizimi balancues është i rëndësishëm për hapjen e tregut sepse mundësin që diferencat mes konsumit dhe prodhimit të jenë të balancuar “, ka thënë ai. Arbresh.info/