Prokuroria Themelore në Prishtinë ka njoftuar se ka arrestuar një person i cili dyshohet për kanosje ndaj një gazetari.

Sipas njofimit, i dyshuari është ndaluar në kohëzgjatje prej 48 orësh, për shkak të veprës penale “Kanosja”, sipas KPRK-së, shkruan Arbresh.info.

“Prokuroria Themelore në Prishtinë, njofton opinionin publik se pas publikimit të informatave rreth kërcënimit që ka marrë gazetari H.A., gjatë ushtrimit të detyrës së tij, Prokurori i Shtetit në koordinim të plotë me Policinë kanë ndërmarrë të gjitha veprimet e nevojshme hetimore, me qëllim të identifikimit të dyshuarit dhe sigurimit të prezencës së të njëjtit në procedurën penale.”, njofton Prokuroria.

“Veprimet e ndërmarra kanë rezultuar fillimisht me arrestimin e të dyshuarit nga Policia e Kosovës, ndërkaq, me urdhër të Prokurorit të Shtetit i dyshuari është ndaluar në kohëzgjatje prej 48 orësh, për shkak të veprës penale “Kanosja”, sipas KPRK-së.”, thuhet tutje në njoftim.

Prokuroria njofton se  në koordinim me Policinë po vazhdojnë me ndërmarrjen e veprimeve të tjera hetimore lidhur me këtë rast./Arbresh.info/

LEXO EDHE: 

Shoqërohet në polici i dyshuari për vjedhje të kanaleve televizive, që kërcënoi me jetë një gazetar