Prokuroria Themelore në Gjilan, Departamenti për Krime të Rënda bën të ditur se më urdhër të prokurorit të shtetit është ndaluar për 48 orë edhe i dyshuari i pestë, për vrasjen e ndodhur gjatë ditës së djeshme në Gjilan.

Kjo për shkak të dyshimit se ka qenë i përfshirë në vrasjen e 08 nëntorit 2021, në të cilën është privuar nga jeta me armë zjarri E.R, transmeton arbresh.info

Njoftimi i plotë:

Prokuroria Themelore në Gjilan, Departamenti për Krime të Rënda, njofton opinionin publik, se me urdhër të prokurorit të shtetit është ndaluar në kohëzgjatje prej 48 orëve edhe i dyshuari i pestë, me incialet R.I., për shkak të dyshimit se ka qenë i përfshirë në vrasjen, e cila ka ndodhur më 08 Nëntor 2021, në Gjilan, në të cilën me armë zjarri është privuar nga jeta tani i ndjeri E.R.

Prokuroria Themelore në Gjilan, ndaj të dyshuarit R.I., ka lëshuar aktvendim mbi ndalim për veprën penale ‘’Vrasja e rëndë’’ të Kodit Penal të Republikës së Kosovës dhe ndaj tij do të vazhdojë me procedurat e tjera hetimore./arbresh.info/