Kryeministri Isa Mustafa me anë të një postimi në Facebook ka përkujtuar 10 Qershorin e vitit 1878 kur është mbajtur Lidhja e Prizrenit.

Por Mustafa rikujton se 10 qershori i vitit 1999 është një datë historike po as sa Lidhja e Prizrenit.

Statusi i Mustafës:

10 Qershori shënon dy ngjarje shumë të rëndësishme për popullin shqiptar dhe historinë e re të Kosovës.

Më 10 qershor 1878 në Prizren, patriotët nga mbarë viset shqiptare krijuan Lidhjen Shqiptare të Prizrenit, e cila bashkoi popullin shqiptar në luftën shumëshekullore për liri.
Një shekull më vonë, 10 qershori 1999 shënon nisjen e tërheqjes së trupave okupatore dhe fillimin e fundit të pushtimit të Serbisë mbi Kosovën.

Lëvizja gjithëpopullore paqësore, lufta heroike çlirimtare dhe ndërhyrja ushtarake e miqve tanë euroatlantikë, rezultoi me çlirimin e Kosovës dhe nisjen e epokës së krijimit të shtetit.

Sot, Kosova është Republikë e pavarur, e njohur nga në shumë se gjysma e vendeve të botës, me procese të avancuara eurointegruese, pjesë e organizmave të shumta ndërkombëtare politike, ekonomike e sportive.

Qytetarët e Kosovës sot, janë më të vendosur se kurrë, që në partneritet me SHBA-të dhe vendet e BE-së, ta bëjnë Kosovën shtet të denjë të familjes evropiane, pjesë të NATO-s dhe të zhvilluar ekonomikisht.