Deputetja e Partisë Demokratike të Kosovës, Ganimete Musliu ka thënë se Kosovës i duhet PDK-ja.

Këto komente Musliu i bëri me qytetarët e Skenderajt, ku tha se subjekti politik që ajo i përket do të kthehet fuqishëm për të ndalë zhbërjen e lirisë dhe shtetësisë së Kosovës, shkruan Arbresh.info

Musliu falënderoi secilin që ishin prezent në këtë bashkëbisedim.

Postimi i plotë i deputetes pa ndërhyrje:

Kosovës i duhet PDK-ja, PDK-së i duheni ju. Partia Demokratike e Kosovës, nuk është thjeshtë parti politike, Partia Demokratike është skarifica dhe lufta për liri, është historia e pavarësisë, shtetndërtimit dhe subjektivitetit ndërkombëtar të Kosovës. Partia Demokratike është zëri i atdhedashurisë.

Prandaj PDK duhet dhe do të kthehet fuqishëm për të ndalë zhbërjen e lirisë dhe shtetësisë së Kosovës. Ky ishte tenori i debatit tim me qytetarët e Skenderajt.

Këtë ndjenjë qytetare ne duhet ta marrim me seriozitet sepse është ndjenja që këtë popull dhe këtë vend e mbajten të papërkulur me mijëra vjet.

Atdhedashurinë dhe krenarinë e votuesve tanë, ne duhet ta komportojmë në vizion politik për të ardhmen e Kosovës. Qëndrueshmërinë e votuesve tanë duhet ta përkthejmë në program politik për fitore. Faleminderit shumë për secilin prej jush që ishit prezent dhe u bëtë pjesë në këtë bashkëbisedim.