Takimi i presidentit, Hashim Thaçi me Kadri Veselin e Sami Lushtakun ka dëmtuar zhvillimet e fundit politike në vend, shkruan arbresh.info

Presidenti, përmes këtyre takimeve është vënë në funksion të PDK-së, dhe sigurimit të numrave për formimin e qeverisë nga koalicioni i PAN-it.

Kështu e ka komentuar takimin e Thaçit, analisti Imer Mushkolaj. Ai për arbresh.info ka thënë se takimet që vijnë në situate të tilla, lënë shumë dilema dhe ngrisin shumë pikëpyetje.

“Veprimet e tilla jashtë institucionale nuk i bëjnë nderë as presidentit e as procesit politik. Si para zgjedhjeve ashtu edhe tash pas zgjedhjeve presidenti është vu në funksion të PDK-së dhe të sigurimi të numrave të koalicionit PAN, gjë që nuk është në detyrë të president. Takimet që vijnë në këtë situatë shumë të ndjeshme, lënë shumë dilema dhe ngrisin shumë pikëpyetje dhe ndikojnë në procesin politik”, ka thënë Mushkolaj, duke shtuar se ky nuk është takimi i parë i këtij lloji që presidenti ka bërë.

Kujtojmë se të mërkurën në mesditë, presidenti Thaçi është fotografuar në një takim me Kadri Veselin e Sami Lushtakun./Arbresh.info