Drejtori i Administratës Tatimore të Kosovës, Ilir Murtezaj ka thënë se dixhitalizimi i fiskalizimit është një progres i ri i ATK-së.

Murtezi tha se në mesin e shumë reformave që ka bërë ATK-ja, ky projekt do të ndikoj në rritjen e ekonomisë së vendit, përcjell Arbresh.info.

“Nga një e kaluar ku bizneset detyroheshin që në një formë manuale të deklaronin dhe paguanin tatimet si dhe të merrnin shërbime me prezencë fizike pranë zyrës së ATK-së, tani më të gjitha këto janë të mundshme online 24 orë në ditë”, tha Murtezaj.

“Kemi bërë shumë reforma brenda ATK-së, ku ka shënuar progres në automatizimin e shumicës së punëve dhe në funksionet e saj. Këto progrese ka bërë që ATK-ja vlerësohen lartë nga të gjitha raportet që institucionet e larta bëjnë vlerësimin e punës së Administratave në vende të ndryshme. Tani është një qasje e re që jep mundësi të reja fiskalizimit dhe rritjes së ekonomisë së vendit. Është hap i rëndësishëm dhe ky proces ka. Kjo platformë e dixhitalizimit do të jetë një mundësi e mirë si për ATK-në ashtu edhe për bizneset që ta përmbyllin këtë”, u shpreh tutje Murtezaj./Arbresh.info

LEXO EDHE:

Lansohet dixhitalizimi i fiskalizimit, Murati: Projekt i rëndësishëm dhe revolucionar

Murati jep detaje për dixhitalizimin e fiskalizimit: Mund të shpërblejmë konsumatorët që mbledhin kuponë fiskal