Këshilltari i presidentes Vjosa Osmani, Artan Murati, ka thënë se procesi i vettingut në sistemin e drejtësisë është i domosdoshëm.

Ai ka thënë presidentja Osmani dhe qeveria e re, kanë marrë mandat për kthimin e integritetit në sistemin e drejtësisë.

Murati përmes një postimi në Facebook, ka kritikuar ish-ministrat Ableard Tahiri nga PDK dhe Selim Selimi nga AAK, se nuk kanë shfrytëzuar mekanizmat për luftimin e korrupsionit, dhe po ta bënin një gjë të tillë, dilema e vettingut sipas tij, do të ishte shuar me kohë.

“Po që se shefi i Grupit Parlamentar të PDK-së, në kohën kur ishte ministër i Drejtësisë apo edhe kolegu i tij nga AAK-ja, po ashtu ish-ministër i Drejtësisë, do të ishin angazhuar për shfrytëzim të vërtetë të mekanizmave ekzistues për luftimin e krimit e korrupsionit, kjo dilemë do ishte shuar me kohë.

Për mungesë të veprimeve të tyre, e për më tepër, duke lejuar dobësimin e këtyre institucioneve përmes korrupsionit dhe intervenimeve politike, vetingu pastaj bëhet i domosdoshëm”, ka shkruar Murati, raporton arbresh.info