Murati: Procesohet subvencioni i energjisë elektrike për faturat e muajit nëntor

13:37 | 21 Dhjetor 2024
E.K

Ministri i Financave, Hekuran Murati, ka njoftuar se tashmë është përprocesuar subvencioni për faturat e energjisë elektrike të muajit nëntor për të gjitha familjet e cënueshme që kanë plotësuar kriteret për përfitim.

Murati theksoi se të gjitha familjet përfituese mund të verifikojnë subvencionin në llogaritë e tyre online me furnizuesin e energjisë.

“Të gjitha familjet përfituese mund t’a shohin subvencionin qysh tash në llogarinë e tyre online me furnizuesin, apo edhe kur të pranojnë faturën e energjisë elektrike pas leximit të orëmatësit. Masa e subvencionimit të faturave të energjisë elektrike mbështetet nga Bashkimi Evropian, në kuadër të pakos mbështetëse për energjinë”, shkruan Murati./Arbresh.info