Kryetari i Aleancës për Ardhmërinë e Kosovës (AAK), Ramush Haradinaj ka drejtuar kritika karshi qeverisë për problemet me energjinë elektrike në vend, duke e quajtur qeveri të territ.

Me anë të një postimi në Facebook, Haradinaj tha se kur e morën pushtetin, bënin hajgare me “bojlera e filtera”, shkrun Arbresh.info.

“Patën kundërshtuar me krejt fuqinë, projektin e kontraktuar të termocentralit “Kosova C”, që Kosovën e bënte fuqi energjetike, me arsyetimin se çmimi i megavatit prej 80 eurosh, ishte i lartë e sot e paguajnë mesatarisht ka 400 euro. E kundërshtuan gazin amerikan e dolën me bajrak kundër tij. U përfshinë në tregti të energjisë, deri me GEN-in e Beogradit dhe u vunë në mbrojtje të sekserëve të tyre si Martin Berishaj e Nagip Krasniqi, që kishin shpërdoruar miliona euro të buxhetit të Kosovës. Kur e morën pushtetin, bënin hajgare me “bojlera e filtera”, ka shkruar lideri i AAK-së.

Ai tha se tash, kur Kosova është në kolaps energjetik dhe kur pjesa më e madhe e vendit është në terr, mundohen ta shkarkojnë fajin te KEDS-i.

“E shtrenjtuan rrymën për tri herë e asgjë nuk qiten në dritë. Këta kurrë asgjë nuk qiten në dritë”, ka shkruar lideri i AAK-së./Arbresh.info/