Ministrja për Dialog, Edita Tahiri, sot mori pjesë në Samitin Ministror të Organizatës së Procesit të Bashkëpunimit në Evropën Juglindore (SEECP) e cila u organizua nga Ministria e Jashtme e Bullgarisë si kryesuese e radhës e kësaj organizate të rëndësishme rajonale, ku Kosova është anëtare e barabartë me të drejta të plota.

Sipas kumtesës së lëshuar nga Zyra e Kryeministrit, në këtë takim, që për temë kryesore kishte sfidat kryesore të rajonit të Evropës Juglindore, morën pjesë ministrat e jashtëm të trembëdhjetë vendeve anëtare, ndërsa takimi u kryesua nga ministri i Jashtëm bullgar, Daniel Mitov.

Tahiri iu drejtua këtij samiti me një fjalim rasti dhe ndër të tjera ajo theksoi se “Republika e Kosovës, si anëtarja më e re e SEECP, respekton plotësisht parimet dhe vlerat e SEECP duke përfshirë marrëdhëniet e mira fqinjësore, integritetin territorial dhe pronësinë rajonale, sepse ne besojmë që kjo siguron një bashkëpunim të qëndrueshëm rajonal në Evropën Juglindore”.

“Ne besojmë se promovimi dhe respektimi i vlerave të SEECP garanton një ardhmëri më të mirë në Evropën Juglindore dhe ardhmërinë tonë euroatlantike”, tha Tahiri.

Ajo, tutje ka shtuar se Kosova beson se marrëdhëniet e mira fqinjësore dhe bashkëpunimi rajonal ri-fuqizojnë njëra tjetrën, por megjithatë ne mendojmë që fqinjësia e mirë duhet të promovohet më shumë dhe në të gjitha fushat.

“Lidhjet në rajon kanë kuptim të shumëfishtë në rastin e Ballkanit Perëndimor”, tha ndër të tjera ajo
Ministrja Edita Tahiri është takuar me ministrin e jashtëm të Rumanisë, Lazar Comanescu, të cilin e falënderoi për përkrahjen e dhënë për anëtarësimin e Kosovës në SEECP, ministrin e Jashtëm të Shqipërisë, Ditmir Bushati, ministrin e Jashtëm të Bosnje e Hercegovinës, Igor Crnadak, zëvendësministrin e jashtëm të Turqisë, Ali Naci Koru dhe zëvendësministrin e Jashtëm të Greqisë, Ioanis Amanatidis dhe të Moldavisë, Tudor Ulianovschi,