Kenia sot e njohu Pavarësinë e Kosovës.

Kjo njohje erdhi pas më shumë se pesë vjetësh, pas Izraelit i cili e njohu shtetësinë e vendit tonë në vitin 2020-të.

Ministria e Jashtme e Kenias, përmes një njoftimi argumentoi se pse e njohu Kosovën si shtet të Pavarur.

“Kenia e ka njohur Kosovën në interes të paqes dhe sigurisë ndërkombëtare, integritetit territorial dhe në avancimin e forcimit të marrëdhënieve me vendet e Ballkanit”, thuhet në postimin e Ministrisë së Jashtme të Kenisë.

Tutje, përmendet konfirmimi i ligjshmërisë së shpalljes së mëvetësisë nga ana e Gjykatës Ndërkombëtare të Drejtësisë.

Lajmin për njohjen nga Kenia, e dha sot ish-presidenti i Kosovës, Behgjet Pacolli.

Që nga shpallja e Pavarësisë më 17 shkurt 2008 e deri më tani, Kosova u njoh nga 118-të vende të botës.