Duket se zyrtarët e Ministrisë së Infrastrukturës nuk ja kanë idenë se kush nga kompanitë ajrore operojnë në Kosovë, institucion ky i cili edhe është përgjegjës për leje të operimit.

Në një komunikatë për media të kësaj ministrie thuhet se kompanisë “Easy Jet Airlines” i është mundësuar hyrja në tregun e Kosovës me 24 mars. E në fakt kjo kompani ka thuajse gjashte vite që operon në Kosovë.

Zëdhënësja e Aeroportit Ndërkombëtar “Adem Jashari”, Valentina Gara tha për KP se “Easy Jet” si kompani ajrore operon në tregun e Kosovës që nga viti 2010.

“Gjatë kësaj periudhe “Easy Jet” dega ne Zvicër është duke operuar me 6 fluturime për Bazel dhe me 4 fluturime për Gjenevë. Ndërkaq nga ky muaj do të filloj me fluturime “Easy Jet” dega në Angli ku do të ketë 3 fluturime për Berlin. Fluturimi i pare inaugurues për këtë destinacion do të jetë ditën e diel me datë 27 Mars 2016”, tha Gara