Komisioni për Punë të Brendshme, Siguri dhe mbikëqyrjen e Forcës së Sigurisë së Kosovës i Kuvendit të Kosovës në  mbledhjen konstituive, ka vendosur që të martën nga ora 10:00 të thërrasë për raportim Ministrin e Punëve të Brendshme, Flamur Sefaj, shkruan arbresh.info.

 “Do të ishte e përshtatshme dita e martë për mbledhje të komisionit për shkak se dita e hënë është e ngarkuar me mbledhjet e Kryesisë së Kuvendit dhe dita e martë do të ishte më e përshtatshme dhe varësisht prej situatave mund të mbajmë mbledhje edhe ditëve të tjera,” është shprehur anëtari i këtij komisioni nga radhët e Lëvizjes Vetëvendosjem Rexhep Selimi.

Komisioni për Punë të Brendshme, Siguri dhe Mbikëqyrje të Forcës së Sigurisë së Kosovës, kryesuar nga kryetari i Komisionit, Haxhi Shala, ka mbajtur sot mbledhjen e parë konstituive për legjislaturën VI-të.

Me këtë rast, u diskutua lidhur me fushëveprimin e Komisionit, si dhe për përgatitjen e një Plani të Veprimit të Komisionit, ndërkaq, anëtarët shfaqën zotimin se do të japin kontributin e tyre në Komision në mënyrë profesionale./arbresh.info/