Ndërkohë që Ilir Meta pritet të zgjidhet ditën e sotme, në raundin e katërt si President i Republikës së Shqipërisë, ai do të duhet të heqë dorë nga funksionet e tjera që mban, përfshirë atë të kreut të Kuvendit si dhe drejtuesit të Lëvizjes Socialiste për Integrim.

Lind pyetja se kush do të jetë zëvendësuesi i Metës në këtë parti të themeluar nga vetë ai? E ndërsa shumë mendojnë se ndoshta dot ë jetë bashkëshortja dhe aleatja më e mirë e Metës në politikë, Monika Kryemadhi, nuk është aspak kështu.

Ndërsa pjesë e garës për kreun e shtetit u bë dhe zëvendëskryetari i LSI-së, Petrit Vasili, i propozuar nga Kryesia, “Panorama” shkruan se është pikërisht Vasili, ai që do të marrë drejtimin e LSI-së pas zgjedhjes së Ilir Metës President i vendit. Pak më parë Komisioni i Ligjeve ka miratuar kandidaturën e Ilir Metës për President të ri të Shqipërisë.

Në mbledhjen që u zhvilluar kryetarja, Vasilika Hysi bëri të ditur se janë 23 deputetë të cilët kanë firmosur për Ilir Metën./JOQ/