Gjermania mbështetë fuqishëm anëtarësimin e Kosovës në INTERPOL. Këtë e konfirmon letra nga Kancelarja Angela Merkel, dërguar kryeministrit, Ramush Haradinaj.

“E pranova (letrën e Merkel) sot, përmes ambasadorit Christian Heldt. Mbështetja e fuqishme e Gjermanisë mike për anëtarësimin e Kosovës në Interpol vjen në një moment kyç për konsolidimin ndërkombëtar të vendit tonë,” shkruan Haradinaj në Facebook.

Në letër, kancelarja Merkel vë në pah se ky akt do ta fuqizojë integrimin e Republikës së Kosovës në bashkësinë ndërkombëtare, dhe është në shërbim të përmirësimit të bashkëpunimit në fushën e sigurisë dhe hetimit të krimit transnacional.

“Thellësisht mirënjohës Kancelares Merkel dhe shtetit gjerman për mbështetjen e vazhdueshme,” shkruan Haradinaj./arbresh.info/