Shkrimtari dhe publicisti, Kim Mehmeti, në emisionin ‘InfoBox’ të RTV Dukagjinit tha se demarkacioni i kufirit me Malin e Zi do të kryhet, pasi që, sipas tij, nuk kemi të bëjmë me burrështetas me parime, por të interesit.

Mehmeti për Gjykatën Speciale tha se tentativa për shfuqizimin e saj, duket se e bënë ata që e kuptuan se ishin në lista.

Ai duke folur për nevojën e një klase të re politike, tha se tek ne, së pari bëhen politikanë e pastaj të pasur.  Ndërsa, duke komentuar për subjektet politike, tha se si parti e të mençurve, e sheh Lëvizjen Vetëvendosjen.

Mehmeti tha se “për 10 vite, në Kosovë, ne ndërtuam një shtet ku u takon partive politike, ku është parajsë për politikan e vështirë për qytetarët”.

Publicisti madje, tha se jo që nuk ka vullnet për bashkim të Kosovës me Shqipërinë, por edhe po të dojë Brukseli, politikanët nuk duan bashkimin me Shqipërinë./RTV Dukagjni/Telegrafi/