Ministri i Mbrojtjes, Armend Mehaj ka prit sot në takim komandantin e KFOR-it, gjeneral major Angleo Michele Ristuccia.

Ministri Mehaj gjatë bisedës me komandantin shprehu mirënjohjen për trupat e KFOR dhe vlerësimin për nivelin e lartë të bashkëpunimit të deritanishëm me Forcën e Sigurisë së Kosovës, në funksion të sigurisë së vendit.

Po ashtu komandantin e njoftoi për zhvillimin e FSK-së dhe përgatitjet që po bëhen për realizimin e suksesshëm të ushtrimit ndërkombëtar Defender ’23.

“Me këtë rast, gjeneral Ristuccia shprehu kënaqësinë e tij për të arriturat e deritashme të Ministrisë së Mbrojtjes, si dhe gatishmërinë për vazhdimin e koordinimit të ndërsjellë për çështjet me interes të përbashkët në kuadër të zhvillimeve aktuale dhe ndikimit të tyre në mjedisin e sigurisë”, ka shkruar Mehaj në Facebook./Arbresh.info/