Deputeti i Kuvendit të Kosovës nga radhët e Lëvizjes Vetëvendosje, Mefail Bajqinovci, sot gjatë ditës ka qëndruar në Karaçevë, ku dhe është njoftuar hyrjen e xhandarmërisë serbe në territorin e vendit.

Bajqinovci vizitoi restaurantin, kamerat e të cilit filmuan xhandarmërinë serbe duke patrulluar në territorin e Kosovës.

Kujtojmë se nga restoranti ku u filmua xhandarmëria serbe, vija kufitare me Serbinë është vetëm 400 metra.

Shkrimi i tij i plotë në Facebook:

Sot vizitova vendin dhe familjen e Adhurim Krasniqit, pronarit të restaurantit Oxygen në Karaçevë, i cili dje më kishte njoftuar për hyrjen e xhandarmërisë serbe në territorin e Kosovës, saktësisht në oborrin e restaurantit të tij.

Vëllai i Adhurimit, Madhërimi, më njoftoi në detaje lidhur me futjen e pjesëtarëve të xhandarmërisë serbe në oborrin e tij. Madhërimi ishte i pranishëm, në momentin kur xhandarmëria serbe u fut në pronën e tij.

Gjithashtu, me disa banorë që biseduam në atë vend, shprehen shqetësimin pse kjo pjesë (Karaçeva) nuk kontrollohet nga policia e Kosovës dhe kërkojnë kontrollin dhe vendosjen e një punkti policor në këtë pjesë.

Nga ky restaurant, vija kufitare me Serbinë është rreth 400 metra.