Numri i gjobave të shqiptuara në Kosovë gjatë nëntë muajve të parë të këtij viti ka arritur nivele rekord, duke tejkaluar gjysmë milioni.

Në një përgjigje për Arbresh.info, Policia e Kosovës njoftoi se nga janari deri në shtator të vitit 2024 janë shqiptuar 548,886 tiketa trafiku.

Ky trend alarmues ka ngritur shqetësime te disa qytetarë të Kosovës.

Arbresh.info i ka pyetur ata se sa shqetësues është ky numër i lartë i gjobave, dhe disa prej tyre kanë deklaruar se Policia e Kosovës duhet të fokusohet më shumë në përhapjen e fushatave ndërgjegjësuese sesa në shqiptimin e tiketave.

“ Sigurish që kishte me qenë më mirë që të kenë një ndërgjegjësim të qytetarëve, po jo me gjoba sepse gjobitja është shumë e rëndë. Këto gjoba duhet të ndryshohen”, tha një qytetarë.

Një qytetarë tjetër për kamerën e Arbresh.info tha se kjo është një shifër rekorde për vitin 2024.

“ Kjo qenka një shumë shumë e madhe e dënimeve, policia duhet të jetë më shumë informuese. Kjo qenka shifër rekorde për vitin 2024”, tha ky qytetarë. /Arbresh.info/

Për më shumë ndiqni video në vazhdim: