Disa marokenë janë arrestuar në Kosovë, pasi të njëjtit dyshohet se kanë vrarë Jasmin Berović, gjatë një përleshje në Sarajevë, dhe kanë lënduar dy persona.

Policia e Kosovës ende nuk ka dhënë detaje për shkak se bëhet fjalë për operacion ndërkombëtar, raporton arbresh.info.

Sipas medieve në Bosnje e Hercogovinë, marokenët nuk ishin lejuar të hyjnë në  një lokal në Sarajevë, raporton arbresh.info.

Ditë më parë policia e atjeshme kishte liruar marokenin Hacham Aglaras meqë nuk kishte gjetur prova që e fajësonin.

Por në kërkim ishin shpalluar dy migrantë që u përfshinë në përleshjen me thikë.

Procedimet penale kanë treguar, megjithatë, se marokeni Aglaras nuk është përgjegjës për vrasjen.

“Personi i përmendur nuk mund të lidhet me krimet e kryera në këtë moment,”  thuhet në një deklaratë të shkurtër të policisë në Bosnje e Hercegovine, duke shtuar se Aglaras është dorëzuar në Shërbimin e të Huajve i cili do të vendosë se çfarë të bëjë më pas me të.

Jasmin Berović, i cili u vra nga një autor i panjohur të premten e kaluar, u varros në varrezat Vlakovo të Sarajevës dhe qindra miq dhe të njohur të tij ishin të pranishëm në varrim, megjithë kufizimet në epidemi./arbresh.info/