Urdhëri i MTI-së për vendosjen e flamujve pranë produkteve që shiten në marketet kosovare, nuk po gjen zbatim.

Në marketin ‘Interex’ i cili ndodhet në lagjen ‘Katër Llullat’ produkte të ndryshme nuk posedojnë flamujt e shtetit përkatës, shkruan lajmi.net.

Produkte si ‘plazma’, ‘coca-cola’, ‘fanta’, ‘trix’ – disa prej tyre me prejardhje serbe nuk përmbajnë flamuj të origjinës.

Ndërkohë Inspektorati i Tregtisë ka paralajmëruar dënime të mëdha nëse hasin në parregullsi të tilla.

Kujtojmë se tarifat ndaj produkteve serbe dhe atyre boshnjake ende janë në fuqi, përdersia kryeministri Ramush Haradinaj ka deklaruar se nuk do të hiqen deri kur Serbia ta njoh Kosovën.

Nga ana tjetër bashkësia ndërkombëtare po i bën presion institucioneve kosovare që të reflektojnë dhe ta tërheqin këtë masë pasi mund të përballen me sanksione.