Ministri në detyrë i Mbrojtjes, Ejup Maqedonci ka vizituar sot trupat e angazhuar në Ushtrimin Fushor “Defender Europe 25” bashkë me Gjenerallejtnant Bashkim Jashari.

Përmes një postimi në Facebook, Maqedonci tha se gjatë kësaj vizite ka përgëzuar pjesëmarrësit ndërsa theksoi rendësin e pjesëmarrjes së FSK-së në këtë ushtrim, përcjell Arbresh.info.

Postimi i plotë:

Sot së bashku me Komandantin e Forcës së Sigurisë së Kosovës, Gjenerallejtënant Bashkim Jashari vizituan trupat e angazhuar në Ushtrimin Fushor “Defender Europe 25”

Me rastin e fillimit të Ushtrimit Fushor (UF) “Defender Europe 25” vizituam kontrollën e lartë të UF Defender Europe 25 dhe Post Komandën Taktike të Divizionit të 28-të të Ushtrisë Amerikane.

Gjatë kësaj vizite, përgëzuam pjesëmarrësit për përkushtimin e tyre gjatë planifikimit dhe përgatitjeve të këtij ushtrimi. Gjithashtu, theksuam rëndësinë e pjesëmarrjes së FSK në një ushtrim të këtij niveli si nikoqir, si dhe avancimin e njësive të FSK-së që të operojnë në një mjedis shumëkombësh operacional, me fokus në realizimin e detyrave kryesore dhe ngritjen e ndërveprueshmërisë me aleatët dhe partnerët.

Ushtrimi Fushor ‘Defender Europe 2025’ është një nga ushtrimet më të mëdha që organizohet nga Ushtria Amerikane pë Europë dhe Afrikë (US EUCOM), ku njësitë e FSK marrin pjesë për të tretën herë radhazi në këtë seri të ushtrimeve./Arbresh.info