Ministri në detyrë i Mbrojtjes, Ejup Maqedonci ka nisur një vizitë zyrtare në Shtetet e Bashkuara të Amerikës, bashkë me Komandantin e FSK-së, Gjenerallejtnant Bashkim Jashari.

Me anë të një postimi në Facebook, Maqedonci ka marr pjesë në ceremoninë në varrezat kombëtare të Arlingtonit, ku pushojnë të rënët e forcave të armatosura të SHBA-së, përcjell Arbresh.info

“Bashkë me Komandantin e FSK-së, Gjenerallejtënant Bashkim Jashari vendosëm kurorë pranë varrit të ushtarit të panjohur. Me këtë aktivitet filluam vizitën që do të kulmojë me konsultimet bilaterale të mbrojtjes ku do të vendosen prioritetet e bashkëpunimit në fushën e mbrojtjes ndërmjet vendeve tona”, shkroi Maqedonci.

Tutje ai tha se thellimi i bashkëpunimit me Shtetet e Bashkuara në fushën e mbrojtjes mbetet prioriteti kyç i Republikës së Kosovës./Arbresh.info