Çështja e furnizimit me ushqim për Forcën e Sigurisë së Kosovës ka qenë njëra ndër temat që e ka përplasur opozitën me partinë në pushtet.

Lidhur me këtë temë, ministri i Mbrojtjes, Ejup Maqedonci ka thënë se ushtarët asnjëherë s’kanë mbetur pa ushqim.

Para deputetëve nga foltorja e Kuvendit, Maqedonci po ashtu theksoi se koncepti i ri i vetëqëndrueshmërisë më ushqim në FSK, jo vetëm që ka kosto më të ulët, por edhe është më kualitativ.

“Mund të them me përgjegjësi të plotë, që koncepti i ri i vetqëndrueshmërisë me ushqim, përveç që ka një kosto jashtëzakonisht më të ulët të shpenzimeve, në krahasim me buxhetin e planifikuar me kontratë trevjeçare, ku ka qenë i planifikuar një buxhet prej 13 milionë eurove, për operatorët ekonomik për të shërbyer ushqim, dhe me konceptin që jemi duke zhvilluar, atë po e bëjmë me më pak se 4 milionë euro. Gjithashtu po mundëson të shërbehet ushqim më kualitativ, dhe një vetëqëndrueshmëri të nevojës si në rastin e 29 nëntorit”, tha Maqedonci./Arbresh.info